Buxoro viloyati hokimligi

Shunday loyihalardan biri tuman hududidagi tarixiy meros namunalaridan biri — “Sardoba” obidasi atrofida amalga oshirilmoqda. Mazkur tarixiy maskanni yanada obod va fayzli hududga aylantirish, aholi va sayyohlar uchun qulay sharoit yaratish maqsadida qurilish-obodonlashtirish ishlari jadal davom etmoqda.

Ayni paytda loyiha asosida 5 gektar maydonda zamonaviy “Sardoba” istirohat bogʻini barpo etish ishlariga yoz oylaridan kirishilgan.

Yangi istirohat bogʻi aholi va mehmonlarning mazmunli hordiq chiqarishi uchun zarur boʻlgan barcha qulayliklarni qamrab olishi rejalashtirilgan. Xususan, hududda zamonaviy favvora, piyodalar uchun sayr yoʻlaklari, tungi vaqtda hududni yoritib turuvchi zamonaviy yoritish tizimi, bolalar oʻyin maydonchalari hamda oilaviy dam olish hududlari tashkil etiladi.

Shuningdek, istirohat bogʻi hududida savdo va xizmat koʻrsatish shoxobchalarini barpo etish ham koʻzda tutilgan. Bu esa tashrif buyuruvchilar uchun zarur qulayliklarni bir joyning oʻzida yaratish, hududning xizmat koʻrsatish salohiyatini oshirish imkonini beradi.

Loyihaning umumiy qiymati 5 milliard 106 million soʻmdan ziyodni tashkil etadi. Qurilish va obodonlashtirish ishlarini 90 kun muddatda toʻliq yakunlash rejalashtirilgan.

Loyiha buyurtmachisi — “Viloyat hokimligi huzuridagi Yagona buyurtmachi xizmati injiniring kompaniyasi” davlat muassasasi. Loyiha ishlari “Perfekt arx project” MCHJ tomonidan amalga oshirilmoqda. Bosh pudratchi sifatida “Raboti Malik elit stroy servis” MCHJning ishchi va mutaxassislari qurilish jarayonlarida faol ishtirok etmoqda.

“Sardoba” atrofida zamonaviy istirohat bogʻining tashkil etilishi tarixiy obidaning turistik salohiyatini yanada oshirishga xizmat qilishi kutilmoqda.

Ayniqsa, Qorovulbozor tumaniga kirib kelayotgan mahalliy va xorijiy sayyohlar uchun tarixiy obida bilan bir qatorda zamonaviy infratuzilmaga ega dam olish hududining yaratilishi qoʻshimcha qulayliklar taqdim etadi.

Yangi bogʻ hududining koʻkalamzorlashtirilishi, sayr yoʻlaklari, dam olish maydonlari, favvora va zamonaviy yoritish tizimining barpo etilishi “Sardoba” atrofini yanada koʻrkam qiyofaga keltirishi bilan birga, uni aholi va mehmonlar uchun oʻziga xos madaniy-turistik maskanga aylantirishi mumkin.

Muhimi, amalga oshirilayotgan loyiha tarixiy meros va zamonaviy shaharsozlik yechimlarini uygʻunlashtirishga qaratilgan. Yaʼni bu yerda nafaqat hududni obodonlashtirish, balki tarixiy obyektning ahamiyatini keng jamoatchilikka yetkazish, uni sayyohlik yoʻnalishlariga yanada samarali integratsiya qilish uchun sharoit yaratish maqsad qilingan.

Ayni kunlarda “Yangi Oʻzbekiston qiyofasidagi mahalla” dasturi doirasida Qorovulbozor tumanida keng koʻlamli obodonlashtirish va infratuzilmani rivojlantirish ishlari ham olib borilmoqda.

Xususan, “Choʻlquvar”, “Tinchlik” va “Boʻzachi” mahallalarida hududlarni obodonlashtirish, mavjud infratuzilmani yaxshilash va aholi uchun zarur shart-sharoitlarni kengaytirishga qaratilgan loyihalar amalga oshirilmoqda.

Bu ishlar mahallalarning tashqi qiyofasini yaxshilash bilan bir qatorda, aholining kundalik hayoti uchun muhim boʻlgan infratuzilmani rivojlantirish, yashash sharoitlarini yanada qulaylashtirishga qaratilgan.

Umuman, Qorovulbozor tumanida amalga oshirilayotgan bunday loyihalar hududning tarixiy va turistik salohiyatini rivojlantirish, aholi uchun zamonaviy dam olish maskanlarini koʻpaytirish hamda mahallalar infratuzilmasini yaxshilashni oʻzaro uygʻun holda taʼminlashga xizmat qilmoqda.

“Sardoba” atrofida barpo etilayotgan yangi istirohat bogʻi esa tumanning tarixiy qiyofasi va zamonaviy infratuzilmasi uygʻunlashgan yangi maskanlaridan biriga aylanishi kutilmoqda.

Viloyat hokimligi matbuot xizmati