Buxoro viloyati hokimligi

Bugun esa Marhabo Sayfullaevaning hayotida yangi sahifa ochilgan. Hozirda u Qorako‘l tumanida faoliyat yuritayotgan “Karakul Spinning” MChJ korxonasida mehnat qilmoqda. Muhimi, u shunchaki ishli bo‘lib qolmadi, rasmiy ish joyiga ega bo‘lib, doimiy daromad manbaini yaratdi.
 

—Avval uyda, bolalar tarbiyasi bilan band bo‘lib, faqat tomorqada ishlagan bo‘lsam, endilikda o‘z tayinli ishim, oylik maoshimga ega bo‘ldim,—deydi Marhabo Sayfullaeva.—Hozir har oyda 4,5 million so‘m oylik daromadimni oilamga olib kirayotganimdan xursandman. Yonimda umr yo‘ldoshim ham xalq xo‘jaligida ishlab, turmushimizni birgalikda yaxshilab bormoqdamiz.
 

Kun sayin gavjumlashib, tobora ko‘rkam qiiyofa kasb etayotgan va infratuzilmasi yaxshilanib borayotgan “Yangi O‘zbekiston” massivida sanoat ishlab chiqarish korxonalari safi kengayayotgani o‘nlab oilalar uchun daromad manbaidir. Shunday korxonalardan biri “Karakul Spining” MChJda bir yilda 5 ming tonnadan ortiq ip-kalavani qayta ishlash imkoniyati yaratilgan bo‘lib, korxona faoliyatining yo‘lga qo‘yilishi natijasida 280 ta yangi ish o‘rni yaratilgan. E’tiborlisi, ishchi-chevarlarning aksariyatini shu kunga qadar ishsiz va daromadsiz bo‘lgan qishloq ayollari tashkil etmoqda.  
 

Marhabo Sayfullaeva singari chevarlar mehnat qilayotgan korxonada zarur mehnat sharoitlari yaratilgan. Ishchi-mutaxassislar uchun issiq ovqat tashkil etilgan, kunlik ishga kelish va uyga qaytish uchun transport xizmati yo‘lga qo‘yilgan. Bu, ayniqsa, qishloq joylarda istiqomat qiluvchi ayollar uchun ish bilan birga oilaviy yumushlarni ham muvofiqlashtirish imkonini bermoqda.
 

Yuqoridagi misol, tayinli ish o‘rni tufayli qishloqda birgina oila moddiy ahvoli o‘zgargani ayni paytda tumanda xotin-qizlar bandligini ta’minlash, ularni doimiy ish o‘rinlariga jalb etish va oilalar uchun barqaror daromad manbalarini yaratishga alohida e’tibor qaratilayotgani dalilidir.