Buxoro viloyati hokimligi

Shu kunlarda “Mustaqillik” mahalla fuqarolar yig‘inida 5-sonli davlat maktabgacha ta’lim tashkiloti yangidan qurilayotgan bo‘lsa, Varaxsha mahallasida faoliyat yuritib kelgan 37-sonli bolalar bog‘chasi aholi talab va istaklariga binoan mukamal ta’mirdan chiqarilmoqda. 
 

Mustaqillik mahallasidagi 5-sonli, zamonaviy andozadagi ikki qavatli maktabgacha ta’lim tashkiloti hademay, qurib bitkazilgach, 180 nafar jajji bolajonni o‘z bag‘riga oladi. Bu inshoot viloyat hokimligi huzuridagi “Yagona buyurtmachi xizmati injiniring kompaniyasi” buyurtmasiga binoan, “Buxoroproekt” MChJ loyihasi asosida pudratchi “Elegant invest qurilish” MChJ binokorlari tomonidan barpo qilinmoqda. Buning uchun umumiy qiymati 6 milliard 186 million so‘mdan ortiq mablag‘ ajratilgan. 

Xuddi shunday, Varaxsha mahallasi, Ishkon ko‘chasidagi 37-sonli bolalar bog‘chasi “Real max proekt”  loyihasi asosida “Shofirkon Jo’ynav qurilish” MChJ ishchi-mutaxassislari tomonidan yangicha andozada bunyod qilinmoqda. Mazkur ob’ekt loyihasi uchun 3 milliard 542 million so‘m mablag‘ moliyalashtirilgan. Shu kunlarda ikki qavatdan iborat tiklangan inshootda so‘nggi bosqichdagi qurilish-montaj ishlari boshlangan.  

Har ikki bino qurilishi uch oy oldin boshlangan bo‘lib, inshootlarda zarur infratuzilmani taxt qilgan holda mamlakatimiz mustaqilligining 35 yilligi arafasida foydalanishga topshirish ko‘zda tutilgan. Mazkur yangilanish va qishloqlar ko‘rkiga ko‘rk qo‘shayotgan inshootlar 300 nafar jaji o‘g‘il-qizni qamrab olishi, ularda barcha zarur shart-sharoit va jihozlar shay qilingani holda jami 30 nafardan ortiq tarbiyachi-xodim bolajonlar ta’lim-tarbiyasiga jalb qilinishi kutilmoqda.