Buxoro viloyati hokimligi

Keyingi yillarda mamlakatimiz dehqon mirishkorlari ham ushbu noyob karam turini mahalliy iqlim sharoitida yetishtirishning uddasidan chiqishmoqda. Jumladan, “Agrobank” Buxoro tumani filiali tashabbusi bilan “Rabotipoyon” mahalla fuqarolar yig‘inida “Bir kontur – bir mahsulot” tamoyili asosida 20 nafar fuqaroga tarqatib berilgan 10 gektar maydonda tajriba asosida brokkoli karami ekib yetishtirilmoqda.   

— "Rabotipoyon"lik Bekzod, Bahodir va Bobir Salomovlar, Doston To‘layev, Oybek Panoyev, Qahramon Sobirov, Iroda Baqoyeva, Feruza Husenova, shuningdek, Matluba, Nasiba, Fazliddin, Furqat, Foziljon Najmiddinovlarning har biri bugunga kelib 40-50 sotixdan yer maydoniga ega bo‘lib, dehqonchilikni boshlab yuborishgan, — deydi “Agrobank”ning tuman filiali rahbari Uyg‘un Nurullayev. — Ayni kunda bu ishda buyurtmachi agregator, ya’ni hududdagi lider tadbirkorlardan biri “Choriyeva Nigina Qahramonovna” zimmasiga tomorqa egalariga zarur urug‘lik, nihol ko‘chatlari, mineral o‘g‘it yetkazib berish mas’uliyati yuklangan.     

Bugun boshlangan sa’y-harakatning moddiy manfaatdorlik jihati shundaki, tomorqachi yoshlar aholini arzon va sifatli oziq-ovqat mahsulotlari bilan uzluksiz ta’minlash va ularni daromadini oshirish maqsadida tashabbus ko‘rsatib, 70 kunlik mehnatdan so‘ng barakali hosil yetishtirish va har  gektaridan 100 million so‘mga yetkazib daromad olish imkoniga ega bo‘ladilar. 

Ushbu karam turi eksportbop mahsulot bo‘lib, ichki va tashqi bozorda xaridorgir hisoblanadi. Brokkoli karami turli xil salatlar, suyuq taomlar, garnirlar tayyorlash uchun foydalaniladi. Uni marinadlash, muzlatish va konservalash mumkin. U ancha yengil hazm bo‘lish xususiyatiga ega. Rabotipoyonlik tomorqa egalari bu yerda kech kuzga borib karam mahsulotini yig‘ib saranjomlab olib, erta bahordan yana yer tayyorlab, sabzi ekishni mo‘ljallashmoqda. 

Viloyat hokimligi matbuot xizmati