Buxoro viloyati hokimligi

Binoda amalga oshirilgan keng ko‘lamli qurilish-ta’mirlash ishlari natijasida uning ichki va tashqi qismi to‘liq yangilanib, zamonaviy talablarga javob beradigan ish sharoitlari yaratildi. Inshootda muhandislik-kommunikatsiya tarmoqlari, elektr ta’minoti, isitish va sovitish tizimlari qayta ta’mirlanib, xizmat xonalari zamonaviy jihozlar bilan ta’minlandi.

Mazkur loyiha davlat muassasasining moddiy-texnik bazasini mustahkamlash, xizmat faoliyati samaradorligini oshirish hamda fuqarolar uchun qulay shart-sharoit yaratishga xizmat qiladi.

Qurilish-ta’mirlash ishlari “Sardor bunyodkor plyus” mas’uliyati cheklangan jamiyati tomonidan amalga oshirildi. Loyiha uchun davlat byudjetidan qariyb 2 milliard 300 million so‘m mablag‘ yo‘naltirildi.

Ma’muriy binoni foydalanishga topshirish tadbirida mas’ullar, tuman hokimligi vakillari, faxriy harbiylar, xizmatdagi xodimlar yangi binoda yaratilgan sharoitlar bilan tanishib, amalga oshirilgan ishlar sifatiga ijobiy baho berdilar. Ta’kidlanganidek, mazkur inshootning foydalanishga topshirilishi tumanda mudofaa ishlari bo‘limi faoliyatini yanada samarali tashkil etish, fuqarolarga ko‘rsatilayotgan harbiy chaqiriqqa doir xizmatlar sifatini oshirish hamda xodimlar uchun munosib mehnat sharoitlarini yaratishda muhim ahamiyat kasb etadi.

Yangi bino mudofaa tizimining moddiy-texnik salohiyatini mustahkamlash, davlat xizmatlari sifatini oshirish va aholi bilan ishlash jarayonini yanada takomillashtirish yo‘lidagi navbatdagi muhim qadamdir. 

Viloyat hokimligi matbuot xizmati