“Hokimlik soati”: hudud va tarmoqlarda iqtisodiy oʻsishni taʼminlash, “xufiyona iqtisodiyot”ni qisqartirish, jinooyatchilikka qarshi kurashish, ijro intizomi holati va boshqa dolzarb masalalar muhokama qilindi
2026-05-04 23:35:00 / Yangiliklar
Yigʻilish avvalida viloyat rahbari boshqaruv siyosatida belgilab olingan eng ustuvor vazifalarga alohida toʻxtalib oʻtdi.
Kun tartibiga muvofiq hudud va tarmoqlarda iqtisodiy oʻsishni taʼminlash boʻyicha 2026-yil 1-chorak yakunlari tahlili hamda 2026-yil 1-yarim yillikda yuqori oʻsish surʼatlarini taʼminlash chora-tadbirlari, jinoyatchilikni jilovlash boʻyicha amalga oshirilayotgan ishlar holati va samaradorligi tahlili, hududlarda “xufiyona” iqtisodiyotni qisqartirish boʻyicha amalga oshiriladigan ishlar, viloyatdagi ayrim obyektlarda qurilish va obodonlashtirish ishlarini jadallashtirish hamda bu boradagi mavjud muammolarni tezkor hal etish, viloyat, shahar va tumanlar hokimlari oʻrinbosarlari hamda hokimliklar xodimlari faoliyatining 2026-yil uchun eng muhim samaradorlik koʻrsatkichlari (KPI)ni belgilash, “Mahalla yettiligi” orqali ijtimoiy-iqtisodiy muammolarni aniqlash va bartaraf etish, qonunchilik hujjatlari va topshiriqlarining ijrosini taʼminlash boʻyicha amalga oshirilgan ishlar va navbatdagi ustuvor vazifalar koʻrib chiqildi.
“Hokimlik soati”da viloyat hokimining tarmoqlar boʻyicha oʻrinbosarlari, shahar va tumanlar hokimlari hamda mutasaddi tashkilotlar rahbarlarining bu vazifalar ijrosini taʼminlash yuzasidan amalga oshirayotgan ishlari toʻgʻrisidagi axborotlari tinglandi.
Tanqidiy-tahliliy ruhda oʻtgan yigʻilishda topshiriqlarni samarali va natijali ijro etish yuzasidan ularga tegishli koʻrsatmalar berildi.
Viloyat hokimligi matbuot xizmati