Buxoro viloyati hokimligi

Bu borada loyiha-smeta hujjatlari ishlab chiqilib, umumiy qiymati 20,6 milliard so‘mlik qurilish-montaj ishlari boshlab yuborilgan. Xususan, “Jondor” mahalla fuqarolar yig‘inidagi “Markaziy suv inshooti”da 3 ta 1000 metr kub sig‘imli suv rezervuarini rekonstruksiya qilishga kirishilgan.  Shuningdek, hududda jami 12 ta suv inshootida 500 metr kubdan 1000 metr kubgacha  bo‘lgan yangi suv rezervuarlari qurilishi yo‘lga qo‘yilgan.

Bundan tashqari, hududda ichimlik suvi tarmoqlarini kengaytirish ishlari ham izchil davom ettirilmoqda. Jumladan, “Tobagar” MFYdagi Tobagar suv inshootidan 26,1 kilometr, “Sho‘robod” MFYdagi Ko‘cha suv inshootidan 127,3 kilometr, “Jondor” MFYdagi Markaziy suv inshootidan 65,9 kilometr, “Pahlavon” MFYdagi Bo‘ribog‘i suv inshootidan 33,6 kilometr, “Dalmunobod” MFYdagi Dalmun suv inshootidan 55,3 kilometr, “Ushot” MFYdagi Ushot suv inshootidan 85,5 kilometr masofadagi magistral quvur tortilishi loyihalashtirilgan. 

Xuddi shunday, hududdagi “Boliob” MFYdagi Xumin suv inshootidan 37,5 kilometr, “Qozikenti” MFYdagi Qozikenti suv inshootidan 47,3 kilometr,  “Romish” MFYdagi Romish suv inshootidan 32,5 kilometr, “Oxshix” MFYdagi Oxshix suv inshootidan 42 kilometr, “Mirzayon” MFYdagi Mirzayon suv inshootidan 62 kilometr uzunlikdagi magistral quvurini tortib, tarmoq faoliyatini yaxshilash maqsad qilingan.  

Hozirgi kunda “Buxoro suv ta’minoti” AJ Jondor tumani filiali tomonidan tumandagi 35 ming 310 nafar aholi, ya’ni, 6 ming 671 ta abonent markazlashgan ichimlik suvi bilan ta’minlanmoqda. Ichimlik suvi 10 ta suv inshooti hamda 350 kilometr uzunlikdagi tarmoqlar orqali yetkazib berilmoqda.

Shu bilan birga, 2026–2027-yillar davomida Jondor tumani markazi hamda unga tutash hududlarda — Jondor, Demun, Po‘loti va Darveshi MFYlarda umumiy qiymati 10 milliard so‘mlik oqava (kanalizatsiya) tizimini qurish ko‘zda tutilgan. Ayni paytda hududda pudratchi tashkilot ishchi-mutaxassislari qurilish-ta’mirlash ishlarini olib bormoqdalar. 

 Viloyat hokimligi matbuot xizmati