Olot: “Mirza bobo Norov” MCHJda 30 nafardan ortiq xotin-qizlar bandligi ta’minlangan
2026-03-05 09:45:00 / Yangiliklar
Ayniqsa, bugungi kunda aholining turmush farovonligini yanada yaxshilash, avvalo, ularning daromadlarini oshirish, yangi ish o‘rinlari yaratish, mahallalarda kasanachilikni tashkil etish va rivojlantirish orqali mahsulot ishlab chiqarish hamda xizmatlar ko‘rsatish ko‘lamini kengaytirishga alohida e’tibor qaratilmoqda.
"Opshoq" mahallasida ochilgan tikuv syexi ana shundan ishlar samarasidir. Shu mahallada yashovchi tadbirkor Akram Norov tashabbusi bilan qo‘l urilgan loyihaga 500 million so‘m mablag‘ sarflangan.
30 dan ortiq zamonaviy tikuv-bichuv dastgohlari bilan jihozlangan syexda kiyim-kechaklar ishlab chiqarish yo‘lga qo‘yildi. Natijada mahalladagi 30 nafardan ortiq xotin-qizlar uchun yangi ish o‘rinlari yaratildi.
Korxonada ishlab chiqarilayotgan tayyor mahsulotlarning asosiy qismi eksportga yo‘naltirilayotgani nafaqat mahalliy bandlikni oshirish, balki hududning iqtisodiy salohiyatini mustahkamlashga ham xizmat qilmoqda.
Kelgusida ishlab chiqarish hajmini kengaytirish, qo‘shimcha quvvatlarni ishga tushirish hamda yana 60 nafar xotin-qizlarning bandligini ta’minlash rejalashtirilgan.
Mazkur tashabbus xotin-qizlarning iqtisodiy faolligini oshirish, ularning jamiyatdagi o‘rnini mustahkamlash va farovonligini ta’minlash yo‘lidagi muhim qadamlardan biridir.
Viloyat hokimligi matbuot xizmati