Kogon tumani: 17-umumtaʼlim maktabining “Oqchamamat” filiali rekonstruksiya qilinmoqda
2026-02-12 10:30:00 / Yangiliklar
Jumladan, tumandagi 17-umumtaʼlim maktabining “Oqchamamat” filialida OPEK Xalqaro taraqqiyot jamgʻarmasi loyihasi doirasida keng koʻlamli qurilish-taʼmirlash ishlari olib borilmoqda.
“Ziyo Shahriyor qurilish” masʼuliyati cheklangan jamiyati tomonidan amalga oshirilayotgan qurilish-bunyodkorlik ishlariga 3 milliard 53 million soʻm mablagʻ sarflanishi koʻzda tutilgan.
Jarayonda oʻquv xonalari, maʼmuriy xonalar va yordamchi inshootlar zamonaviy talablarga mos ravishda yangilanmoqda, bino ichki va tashqi qismi toʻliq rekonstruksiya qilinmoqda.
Shuningdek, loyiha doirasida 156 oʻrinli qoʻshimcha oʻquv binosi ham bunyod etilmoqda. Yangi bino zamonaviy qurilish meʼyorlari asosida barpo etilib, keng va yorugʻ sinfxonalar, zarur muhandislik-kommunikatsiya tarmoqlari hamda qulay sharoitlar bilan taʼminlanadi.
Mazkur amalga oshirilayotgan ishlar hududda taʼlim sifatini oshirish, oʻquvchilarning bilim olish jarayonini yanada samarali tashkil etish hamda ularning har tomonlama kamol topishi uchun munosib shart-sharoitlar yaratishga xizmat qiladi.
Viloyat hokimligi matbuot xizmati