Kogon tumani: “Mevazor”da tadbirkor ayollar safi kengaymoqda
2026-02-04 17:55:00 / Yangiliklar
Xususan, Kogon tumanidagi “Oʻba-choʻli” mahalla fuqarolar yigʻiniga qarashli “Mevazor” qishlogʻida istiqomat qiluvchi Zilola Bafoyeva ana shunday islohotlar samarasidan unumli foydalanib kelayotgan faol tadbirkor ayollardan biridir.
U oʻtgan yili oʻz tashabbusi bilan qoʻziqorin yetishtirish faoliyatini yoʻlga qoʻyib, qisqa fursat ichida dastlabki hosillarni olishga muvaffaq boʻldi. Bugungi kunda ushbu faoliyat turi xonadon byudjetiga barqaror daromad keltirmoqda.
Shuningdek, Zilola Bafoyeva bir necha yil avval parrandachilik yoʻnalishida ham tadbirkorlik faoliyatini boshlagan. “Har bir oila — tadbirkor” dasturi doirasida mahalla hokimi yordamchisi tomonidan ajratilgan 33 million soʻm miqdoridagi imtiyozli kredit mablagʻlari evaziga broyler joʻjalarini yetishtirish yoʻlga qoʻyildi. Natijada qisqa muddatda ishlab chiqarish hajmi kengaytirilib, mahalliy bozorlar sifatli parranda mahsulotlari bilan taʼminlanmoqda.
— Albatta, har bir faoliyatning oʻziga xos qiyinchilik va masʼuliyatlari mavjud. Biroq mehnat natijasida olinayotgan daromad va uning barakasi barcha mashaqqatlarni oqlaydi, — deydi tadbirkor suhbat davomida.
Viloyat hokimligi matbuot xizmati