Viloyat bolalar stomatologiya markazi jamoasi—yilning eng yaxshi davlat muassasasi
2026-01-27 17:25:00 / Yangiliklar
“Meded Expo Group” tashabbusi hamda Samarqand davlat tibbiyot universiteti hamkorligida tibbiyot muassasalari va shifokorlar oʻrtasida 2025-yil yakuniy faoliyat natijalari asosida nufuzli tanlov oʻtkazildi. Mazkur tanlovda mamlakatimiz tibbiyot muassasalari hamda soha vakillarining yil davomidagi faoliyati atroflicha baholandi.
Quvonarlisi, mazkur tanlovda Buxoro viloyat ixtisoslashtirilgan bolalar stomatologiya markazi direktori — Elbek Vohidov “Yilning eng yaxshi davlat muassasasi rahbari” nominatsiyasi gʻolibi sifatida eʼtirof etildi.
Shuningdek, markazning vrach-ortodont stomatologi Oʻktam Fozilov “Yilning eng yaxshi ortodont stomatologi” nominatsiyasi gʻolibi boʻldi.
Tanlov tibbiyot sohasida professional hamkorlikni rivojlantirish, ilgʻor tajribalarni qoʻllab-quvvatlash hamda soha vakillarining fidokorona mehnatini munosib baholashga qaratilgan.
Buxoro viloyat ixtisoslashtirilgan bolalar stomatologiya markazi rahbariyati va ahil jamoasini ushbu munosib yutuqlar bilan samimiy tabriklaymiz!
Viloyat hokimligi matbuot xizmati