Buxoro viloyati hokimligi

“Har bir oila—tadbirkor” dasturi doirasida biznes vakillariga yaratilayotgan imkoniyatlardan samarali foydalanayotgan Behzod Murodov ham  mazkur dastur doirasida ajratilgan imtiyozli kredit mablagʻi hisobiga xonadonida 20 ta asalari oilasi va 3 bosh qoramol xarid qilib, parvarishlashga kirishgan. 

Shuningdek, u ishini rivojlantirib, qoramol soni bilan birga xonadonida asalari uyasini koʻpaytirgani ortidan tadbirkorlik faoliyatini yanada kengaytirib, hokimning mahalladagi yordamchisi tavsiyanomasi asosida 105 million soʻm imtiyozli kredit mablagʻini rasmiylashtirib olgan. Bu sarmoya  evaziga xonadoni tomiga quvvati 30 kVtt soat boʻlgan quyosh panellarini oʻrnatib, hozirda xonadonning elektr energiyasiga boʻlgan ehtiyojini toʻliq qoplashga erishmoqda. Bundan tashqari, ehtiyojdan ortiqcha ishlab chiqarilgan elektr energiyasini davlat soliq inspeksiyasi orqali 1000 soʻmdan realizatsiya qilish orqali bir oila qoʻshimcha daromad olish imkoniyatiga ega boʻlmoqda. 

Xalqimizda “Harakatda barakat” degan purmaʼno hikmat bejiz aytilmagan. Bugun Behzod Murodov oʻz xonadonida bor imkoniyatdan unumli foydalanib, uy xoʻjaligini rivojlantirib, oilasi turmush farovonligini taʼminlash barobarida, tadbirkorlik rivojiga ham munosib hissa qoʻshmoqda.

Viloyat hokimligi matbuot xizmati