Qorakoʻl: yosh sportsevarlar uchun mini futbol maydoni foydalanishga topshirildi
2026-01-15 17:05:00 / Yangiliklar
Hududda yoshlar boʻsh vaqtini mazmunli oʻtkazilishini taʼminlash maqsadida ularni sportga jalb qilish, sogʻlom turmush tarzini shakllantirish uchun talabga muvofiq endilikda mini futbol maydoni qurilib, yosh sportsevarlarga topshirilgani koʻplarni xursand qildi.
Mazkur sport inshootining ochilish marosimida tuman hokimligi, mahalla faollari, mehnat faxriylari, yoshlar ishtirok etdilar. Soʻzga chiqqanlar yurtimizda yosh avlodni har tomonlama qoʻllab-quvvatlash, ular boʻsh vaqtini mazmunli tashkil etish, sport va jismoniy tarbiya bilan muntazam shugʻullanishlari uchun keng imkoniyatlar yaratilayotganini taʼkidladilar. Sport maydonchalari yoshlarni zararli odatlardan asrash, ularni sogʻlom, intizomli va vatanparvar etib tarbiyalashda muhim ahamiyat kasb etayotgani qayd etildi.
Yangi mini futbol maydoni barcha sharoitlarga ega boʻlib, bu yerda yoshlar muntazam mashgʻulotlar olib borishlari, sport musobaqalari va doʻstona uchrashuvlar tashkil etishlari mumkin. Shu kunning oʻzida mahalla yoshlari futbol bahslariga kirishdilar.
Viloyat hokimligi matbuot xizmati