Buxoro viloyati hokimligi

Хабар қилинганидек, суғоришда дуч келинаётган муаммоларни тизимли ҳал қилиш мақсадида Вазирлар Маҳкамасининг тегишли қарорига мувофиқ вилоятимизда ҳам қишлоқ хўжалигида ирригация тармоқлари ҳолатини яхшилаш, экин ерлари маҳсулдорлигини ошириш мақсадида жойларда ариқ ва каналлар ўзанларини бетонлаштириш ишлари жадал бормоқда.

Jumladan, Romitan tumanida "Xoʻjaubon" va “Hazorbogʻ” xoʻjaliklararo kanallari oʻzanining umumiy 17 ming metr uzunlikdagi qismini qayta taʼmirdan chiqarib, betonlashtirish ishlari davom ettirilmoqda. Mazkur obyektlarni rekonstruksiya qilishga doir loyiha-smeta hujjatlari “Shofirkon universal servis” va “Suvoqavaloyiha” MCHJ lari tomonidan ishlab chiqilgan boʻlib, bajariladigan ish hajmi pudratchi “Vobkent olmos” MCHJ mexanizatsiyalashgan jamoasi zimmasiga yuklangan.  

Loyiha doirasida shu kunlarda “Xoʻjaubon” kanalida 10,6 ming metr, “Hazorbogʻ” kanalida esa 16 ming metr oʻzanni taʼmirlash va betonlashtirish ishlari jadalo davom ettirilmoqda. Aniqrogʻi, ayni kunda “Xoʻjaubon” kanalida 6 ming metr, “Hazorbogʻ”da esa 8,5 ming metr oʻzan betonlashtirilgan. Har ikki gidroinshootda bajariladigan umumiy ish uchun moddiy qiymati 26 milliard soʻm mablagʻ ajratilgan.

Pudratchi "Vobkent olmos" MCHJ tomonidan gidroinshootlarda 7 ta ekskovator, 5 ta beton tashuvchi, suv tashuvchi yuk avtomashinalari,  avtokran va avtosamosvallar kuchidan foylangan holda oʻttizga yaqin ishchi-mutaxassis mehnat qilmoqda. 
Ahamiyatli jihati, bu ikki kanal oʻzanini tartibga solish va dehqonchilik mavsumida suv sarfini kamaytirishga xizmat qiladigan mazkur betonlashtirish ishlari tufayli Romitan va Peshkoʻ tumanlaridagi fermer va dehqon xoʻjaliklari, aholi tomorqalariga tegishli ekin yerlari, bogʻ-tokzorlarni yetarlicha “obi hayot” bilan taʼminlash imkoniyati yaxshilanadi.   

Viloyat hokimligi matbuot xizmati