Buxoro viloyati hokimligi

Bu borada Oʻzbekiston Respublikasi Prezidentining 2023-yil 27-noyabrdagi “Korrupsiyaga qarshi kurashish tizimini yanada takomillashtirish hamda davlat organlari va tashkilotlari faoliyati ustidan jamoatchilik nazorati tizimi samaradorligini oshirish chora-tadbirlari toʻgʻrisida”gi PF–200-sonli farmoni asosida har yili mamlakat boʻylab Aksilkorrupsiya oyligi oʻtkazilib, uning doirasida oʻquv va konferensiyalar, seminarlar, press-turlar va yoshlar uchun targʻibot ishlari keng yoʻlga qoʻyilgan.

Oʻzbekiston Respublikasi Korrupsiyaga qarshi kurashish Milliy kengashi majlisining 2025-yil 14-noyabrdagi 28-sonli bayonnomasiga muvofiq Aksilkorrupsiya oyligi doirasida tadbirlar rejasi ishlab chiqilgan boʻlib, bu boradagi vazifalar ijrosini samarali tashki etish maqsadida viloyat hokimining shu yil 20-noyabrdagi 398-2-0-F/25-conli farmoyishi qabul qilingan.    

9-dekabr—Xalqaro korrupsiyaga qarshi kurash kuni munosabati bilan Buxoro viloyati hokimligida oʻquv seminari tashkil qilindi. Unda qatnashgan masʼul xodimlar viloyat hokimligi boshqaruv apparati korrupsiyaga qarshi ichki nazorat shuʼbasi mudiri Qoʻysinjon Mulkamolovning maʼruzasini tingladilar. 

Eʼtirof etilganidek, davlat hokimiyati boshqaruv idoralari masʼul xodimlari, yoshlar, aholining huquqiy ongi va madaniyatini yuksaltirish, korrupsiya holatlariga duch kelganda qonuniy huquq va manfaatlarini himoya qilish boʻyicha tushuntirish va amaliy koʻmak berish, sohadagi islohotlarning mazmun-mohiyati bilan yaqindan tanishtirish, erishilayotgan natijalar targʻibotiga bagʻishlangan tadbirlarni muntazam tashkil etish lozim.   

Korrupsiyaga qarshi kurashish boʻyicha koʻrilayotgan chora-tadbirlar, bu borada erishilgan natijalarni muhokama qilishga bagʻishlangan oʻquv seminarida yigʻilganlar oʻzlarini qiziqtirgan savollarga javob oldilar. 

Viloyat hokimligi matbuot xizmati