Buxoro viloyati hokimligi

Shu bilan birga, onaxonning keyingi yillarda mehr bilan bajaradigan mashgʻuloti limon parvarishi. Koʻp yildirki, oila bekasi limon koʻchatlari parvarishini talab darajasida olib borib, bugun sitrus meva hosilidan bahramand boʻlmoqda. Nafaqat oʻz oilasi, balki mahalladoshlari dasturxoniga ham baholiqudrat sitrus meva yetkazib bermoqda.  

—Ikki oʻgʻlim, kelinlar va nevaralar bilan birgalikda tomorqamizning ikki sotix qismida issiqxona qurib, 15 tup limon koʻchatini oʻtqazib, parvarishlab kelamiz,—deydi ayni kunda tabarruk 72 yoshni qarshilagan Nazira Sultonova.—Chamalab koʻrsak, shu yilgi hosilimiz qariyb 700 kilogram boʻlibdi. Buni har kilogramini 20 ming soʻm atrofida narxlasak, daromadimiz 14 million soʻmdan kam emas. Ammo biz uchun limonni sotishdan koʻra qoʻni-qoʻshni, xesh-qarindoshlar dasturxoniga tortiq qilish afzalroq. Nega deganda, farzandlarim oʻz kasbi koridan topib kelayotgani bemalol roʻzgʻor ehtiyojini qoplaydi. Shu bois boʻlsa kerak, bizdan limon koʻchatini soʻrab keladiganlar koʻproq. Hozirda koʻchamizda ham limon parvarishlayotgan xonadonlar koʻpayib qoldi. 

Darhaqiqat, onaxon uchun limon parvarishi unga nafaqat moddiy foyda, balki ruhiy zavq va salomatlik uchun foydali mashgʻulot hamdir. Kundalik parvarish, ish bilan band boʻlish, issiqxonada ismaloq, sarimsoqpiyoz va turli koʻkatlarni oʻstirish—barchasi unga kuch-quvvat bagʻishlaydi. Nazira onaxon shu boisdan ham oilasi va mahallada hurmat-eʼtiborga sazovor.

Viloyat hokimligi matbuot xizmati