Buxoro shahri: “Koʻkaldosh” mahallasida yana bir mehmonxona ochildi
2025-11-13 09:55:00 / Yangiliklar
Shunday maskanlardan biri viloyat markazining “Koʻkaldosh” mahalla fuqarolar yigʻinidagi “Samarqand” koʻchasida qurib foydalanishga topshirilgan “Sokin Palace” mehmonxonasidir. Tashabbuskor tadbirkor Dilfuza Jamilova rahbarligida faoliyatini boshlagan bu moʻjaz mehmonxona milliylik va zamonaviylikni oʻzida uygʻunlashtirgan qoʻnoq maskani sifatida qisqa vaqt ichida oʻnlab mehmonlar, chet elliklarga sifatli xizmat koʻrsatib kelmoqda.
Zamonaviy talablarga javob beradigan, 30 mehmon oʻrniga moʻljallangan “Sokin Palace” mehmonxonasining umumiy qiymati 1,5 milliard soʻmni tashkil etadi. Quvonarlisi, bu loyihaning ishga tushirilishi natijasida 8 nafar ishsiz fuqaroning bandligi taʼminlanmoqda. Bugungi kunda mehmonxona xodimlari 2 million soʻmdan 4 million soʻmgacha oylik maosh olib, oʻz oilalari farovonligiga munosib hissa qoʻshmoqdalar.
“Sokin Palace”—nafaqat mehmonlar uchun qulay shart-sharoit yaratilgan zamonaviy dam olish maskani, balki viloyat markazida barqaror daromad manbai boʻlib xizmat qilmoqda. Mehmonlarga samimiy munosabat, talab darajasida xizmat koʻrsatish va milliy mehmondoʻstlik anʼanalarining uygʻunligi ushbu maskanning katta yutugʻidir.
Viloyat hokimligi matbuot xizmati