Buxoro viloyati hokimligi

Qariyb 4 ming nafar aholisi boʻlgan hududda “Obod qishloq” davlat dasturi asosida qiymati 14 milliard soʻmga moliyalashtirilgan 550 oʻquvchi oʻrniga ega zamonaviy taʼlim dargohi inshooti barpo qilingan. Uning loyihasiga muvofiq, uch qavatli taʼlim dargohida 20 tadan ortiq sinf xonasi, kutubxona, oshxona va boshqa yordamchi xonalar bilan birga aholining sportsevar oʻgʻil-qizlari uchun standart oʻlchami 12 x 24 metr hajmdagi sport zali va 18 metrga 8 metr oʻlchamdagi sunʼiy qoplamali ochiq futzal maydoni ham qurib, foydalanishga topshirilgan.    

Shunga qaramasdan, aholi soni oshib borayotgani, qoraqalpoqlik yosh sportsevarlar orzu-intilishlarini inobatga olgan holda chekka mahallada alohida yer maydoni ajratilib, 90 metrga 45 metr oʻlchamdagi stadion va uning yonidan sunʼiy qoplamali futzal maydoni barpo qilingani koʻplarni xursand qildi. Shu yerda voleybol, basketbol, vorkaut maydonchalari va yugurish yoʻlaklari shay qilingani ham yosh sportsevarlar uchun ayni muddao.         

Eʼtiborlisi, bu loyiha roʻyobi qoraqalpogʻistonlik aholining yakdil tashabbusi mahsuli oʻlaroq, “Open budjet” loyihaci doirasida 125 ta tashabbus ichidan 2434 ta ovoz yigʻib, gʻoliblar qatorida eʼtirof etilgani boʻldi. Mazkur tashabbusga muvofiq, yuqoridagi sport inshooti uchun 1 milliard 200 million soʻm mablagʻ ajratildi va qurilish ishlari oʻtgan oylarda sifatli ado qilindi.   

Ochiq sport inshootini foydalanishga topshirish tadbirida tuman hokimligi, maʼmuriy sektor rahbarlari, jamoatchilik vakillari, mahalla faollari hozir boʻldilar. Yoshlarga yangi imkoniyat va qulayliklar uchun xayrli ish boshida turgan mutasaddilarga minnatdorlik bildirilib, shu kuni bayramona dasturxon yozildi. 

Viloyat hokimligi matbuot xizmati