Наманган вилоятида ташқи меҳнат миграцияси соҳасида амалга оширилган ишлар ҳолати тўғрисида МАЪЛУМОТ
2026-05-04 15:00:00 / Брифинглар
I. Миграция жараёнлари.
а). 1.01.2026 йил ҳолатига хориждаги фуқаролар сони 110,3 минг нафар, улардан эркаклар – 87,4 минг, аёллар – 22,9 минг, ёшлар – 7,9 минг.
шундан, меҳнат мигрантлари 95,1 минг (86,1%), таълим олаётган 2,6 минг (2,4%) ва бошқа мақсадда кетганлар 12,6 минг (11,5%) нафарни ташкил этмоқда;
давлатлар: Россия – 58,7 минг (53,2%), Қозоғистон – 16,9 минг (15,4%), Туркия – 8,4 минг (7,6%), Корея – 6,1 минг (5,5%) ва бошқа давлатлар – 20,1 минг (18,2%);
хорижда бўлиб турган фуқаролар улуши таҳлил қилинганда, энг кўп қисми Чуст тумани (10,3% ёки 11,4 минг), Наманган шаҳри (10,3% ёки 11,1 минг), Поп тумани (9,2% ёки 10,2 минг), Учқўрғон тумани (9,0% ёки 9,9 минг).
б). Меҳнат мигрантлари баланси.
меҳнат мигрантлари 95,1 минг нафарни (йил бошида 40,1 минг бўлган) ташкил қилиб, йил бошига нисбатан 54,9 мингга ёки 136,8%га кўпайди;
шу билан бирга, фуқаролар анъанавий Россия ва Қозоғистондан кўра ривожланган Европа давлатларида юқори даромадли ишларга бориши кузатилган.
в). Меҳнат мигрантлари пул жунатмалари.
2025 йил давомида 755,6 млн. долл. миқдорида пул ўтказмалари келиб тушди, ўтган йил шу даврига нисбатан 104,1 млн. долл. ёки 1,1 бараварга ёки 16 фоизга ўсган (2024 йилда 651,6 млн. долл. бўлган).
II. Тартибли меҳнат миграцияси кўрсаткичлари
а). 2025 йилда 8 661 нафар фуқаро касб ва хорижий тилларга ўқитилди (1,6 бараварга ошган, 2024 йилда 5 242 нафар).
Касбий кўникмалар марказида – 2 479 нафар, Қурилиш соҳаси малакали мутахассисларини тайёрлаш марказида 278 нафар, ОТМ ҳузуридаги қисқа муддатли курсларда 1022 нафар, нодавлат таълим муассасаларига –3 603 нафар, Миграция агентлиги ташаббуси билан ташкил қилинган ўқув курсларда 783 нафар, Хорижий таълим ташкилотлари билан ҳамкорликда 51 нафар “онлайн” курслар (рус- 445).
б). фуқароларга қулайлик ва қамров сифатини таъминлаш мақсадида 14 та хусусий ва 2 та давлат ўқув марказлари билан ҳамкорлик йўлга қўйилди;
авваллари фақатгина давлатга қарашли бўлган муассасаларида касб ва чет тилларга ўқитилган бўлса, энди 18 та хусусий сектордаги марказлари билан ҳамкорлик ўрнатилиб, мутахассисларни мақсадли тайёрлаш тартиби жорий қилинди;
Ҳусусан, Korea School, Vodiy Ta`lim, Seans ва Korea Prof German ушбу хусусий ўқув марказлар билан ҳамкорликда корейс ва немис тилларига ўқитиш йўлга қўйилган.
г). Наманган шаҳридаги 2- сонли Абу Али Ибн Сино техникумида Германиянинг “Globagate” лойиҳаси ва Наманган шаҳридаги Касбий кўникмалар марказида Германиянинг “Consaltinguz” хорижий компанияси билан хамкорликда немис тили курслари ташкил этилди.
“Globagate” лойихаси асосида, 24 нафар ўрта бўғин тиббий ходимлари ўқишга жалб қилинди, харажатлари хамкор ташкилот ҳисобидан амалга оширилмоқда.
“Consaltinguz” лойихаси асосида, 51 нафар хайдовчилик, хизмат кўрсатиш ва қурилиш соҳаларида ишлаш истагида бўлган фуқаролар ўқишга жалб қилинди, харажатлари хамкор ташкилот ҳисобидан амалга оширилмоқда.
д). Германия, Буюк Британия, Словакия, Қатар, Македония, Черногория, Корея, Япония, Россия салоҳиятли иш берувчилари тақдим этган юқори даромадли иш ўринларига фуқароларни жойлаштириш бўйича ишлар олиб борилди.
миграция соҳасини диверсификация қилиш доирасида Европа ва ривожланган давлатларга жўнатиладиган фуқаролар сонини 2 баробарга ошириш белгиланди.
224 маротаба танловлар ўтказилиб, 2 340 нафар фуқаро танлаб олинди.
е). Хорижда юқори даромадли ишларга 16 772 нафар фуқаролар жойлаштирилди (38 фоизга ошган, 2024 йилда 12 112 нафар).
ж).“Хорижга иш - маҳалладан” тамойили асосида эълонлар фуқароларга етказилиши натижасида касблар ва тилларига қизиқиш ортиб бормоқда ва ташкилий хорижга ишга юбориш таъминланмоқда;
Масалан, Германия танловларига 2-3 нафардан фуқаро қатнашган бўлса, бу йил хорижий ташкилотлар билан хамкорликда қисқа курсларни амалга ошириб "GLOBOGATE CONCEPT AG"-16 нафар, CONSALTINGUZ- 9 нафар, THE INTERNATIONAL PEOPLE IP GMBH & CO KG- 18 нафар ташкилоти билан ҳамкорликда фуқаролар ишга жойлаштирилди;
2024 йилда Германияга юборилган фуқаролар 42 нафарни ташкил қилган бўлса, бу йил 86 нафарни ташкил этди (2 бараварга ошди).
III. Хориждаги фуқароларни қўллаб-қувватлаш
а). Меҳнат мигрантларини қўллаб-қувватлаш
2 378 нафар ватандошга турли ёрдамлар кўрсатилди, жумладан:
1 136 нафарига ҳуқуқий, 772 нафарига ижтимоий ёрдам, 71 нафарга моддий ёрдам, 679 нафарига ишга жойлаштирилди, 36 нафар фуқароларга хостел, 1 нафар фуқароларга тиббий кўрик харажатлари қоплаб берилди; 48 нафар фуқаро жасадлари олиб келинган.
б). Меҳнат мигрантлари оилаларини қўллаб-қувватлаш
10 506 нафар меҳнат мигрантларининг оила аъзолари ҳолидан хабар олинди ва зарурий ёрдамлар кўрсатилди.
3 917 нафарига ҳуқуқий, 2 422 нафарига моддий ва ижтимоий, 2 025 нафарига психологик ва 2 142 нафарига тиббий ёрдамлар кўрсатилди.
в). Миграция агентлигининг хориждаги ваколатхоналари кўмагида “Ватанга қайтариш” акцияси доирасида 314 нафар фуқароларга бир марталик моддий ёрдам, қийин аҳволда қолган 71нафар фуқароларига авиа чипта олиб берилиб ватанга бепул қайтарилди.
IV. Истиқболли ҳамкорлик
а). Миграция агентлиги, Япониянинг PROUD PARTNERS ва ONODERA USER RUN вакиллари билан хизмат кўрсатиш, хайдовчилик ва озиқ-овқат йуналишларида мақсадли курслар ташкил этиш бўйича музокаралар ўтказилди.
Келишувга асосан 2026 йилда хизмат кўрсатиш, қурилиш ва сервис соҳаларига 100 нафардан ортиқ фуқаролар мақсадли ўқитилиб ишга жойлаштириш белгилаб олинди.
б). Германиянинг “International People Placement” Gmb-H ташкилоти билан фуқароларни немис тилига ўқитиб, Германияда юқори даромадли ишга жойлаштириш ҳамкорлик йўлга қўйилди.
“International People Placement” Gmb-H ташкилоти билан хамкорликда фуқароларни немис тилига ўқитиш йўлга қўйилди ва 58 нафар фуқаролар жалб қилинди.
2026 йил режалари
Миграция оқими юқори туманлар “миграцион портрети” (объективка, тезис, динамика) ва “миграция баланси” тайёрланади, миграция тенденцияларини тўғри бошқариш учун ситуацион назорат ўрнатилади;
Наманган вилоятинининг барча туманларига ривожланган давлатлар рекрутинг агентликлари ва маҳаллий хусусий бандлик агентликлари бириктирилади;
режа-жадвал асосида ҳар ойда камида 2 маротаба “Меҳнат ярмаркалари” ташкил қилиб борилади;
элчихоналар кўмагида 1 та билимни баҳолаш марказлари ва қўшма ўқув дастурлари йўлга қўйилади;
850 нафар фуқаро хориж буюртмалари ва стандартлари асосида касб-ҳунар ва хорижий тилларга ўқитилади;
бунда, “ASKANIA FUTURE” - (Германия, ҳайдовчи), “CONSALTINGUZ” - (Германия, қурилиш), “International People Placement” Gmb-H (Гермния қассобчилик) “ARYA” маркази (Туркия, қурилиш), “PROUD PARTNERS” - (Япония, ҳайдовчи), “JOHO VENTURE” - (лифт хизматчиси), “LAТVIA CERTIFICATE CENTRE” - (автокара, металларга ишлов бериш ва пайвандчилар малакасини баҳолаш) ўқув лойиҳалари доирасида 300 нафар малакали мутахассис тайёрланади;
Миграция агентлиги ташаббуси билан Наманган вилоятининг хар бир туманидаги биттадан техникумда немис, корейс ва япон тилларини бепул ўқитиш бўйича ўқув курслари ташкил этиш йўлга қўйилиб, жорий йилда жами 1 000 нафар ўқувчиларни чет тилларига ўқитилади. 20 минг фуқаро хорижда юқори даромадли ишларга жойлаштирилади.