2025-yilda yuridik shaxslarning mol-mulkiga solinadigan soliq boʻyicha boʻnak toʻlovlari toʻgʻrisidagi maʻlumotnoma shakllari

Boʻnak toʻlovlar toʻgʻrisidagi maʻlumotnoma shaklini soliq toʻlovchilar joriy soliq davrining 20-yanvaridan kechiktirmay, yangi tashkil qilinganlari esa, davlat roʻyxatidan oʻtkazilgan sanadan eʻtiboran 30 kundan kechiktirmay koʻchmas mulk joylashgan yerdagi soliq organlariga taqdim etadi.

Soliq kodeksi 417-modda  

Yuridik shaxslarning mol-mulk soligʻini hisoblash uchun soliq bazasi 1 m² uchun mutlaq miqdorda belgilangan minimal qiymatdan past boʻlishi mumkin emas:

• Toshkent shahrida — 3,3 mln soʻm;
• Nukus shahri va viloyat markazlarida — 2,2 mln soʻm;
• Boshqa shaharlarda va qishloq joylarida — 1,3 mln soʻm.

Qoraqalpogʻiston Respublikasi Joʻqorgʻi Kengesi va xalq deputatlari viloyatlar Kengashlari belgilangan eng kam qiymatga tumanlarning iqtisodiy rivojlanishiga qarab 0,5 gacha boʻlgan kamaytiruvchi koeffitsiyent kiritishi mumkin.

Soliq kodeksi 412-modda  

Joriy yil 10-yanvarga qadar barcha xalq deputatlari Kengashlari tomonidan belgilangan eng kam qiymatga koeffitsiyentlar tasdiqlangan holda soliq organlariga taqdim etildi. (Surxondaryo va Navoiy viloyatlaridan tashqari)

Hozirda kamaytiruvchi koeffitsiyent tasdiqlanmagan hududlarda mol-mulk soligʻi hisobotini belgilangan eng kam qiymat asosida taqdim etish imkoniyati mavjud.

2025-yil uchun yuridik shaxslarning mol-mulkiga solinadigan soliq boʻyicha boʻnak toʻlovlari toʻgʻrisidagi maʻlumotnoma shakllari my.soliq.uz portaliga joylashtirilgan:

•  AOS toʻlovchilar uchun – 10401_33;
•  AOS toʻlovchi hisoblanmaydigan soliq toʻlovchilar uchun – 10401_34.

Oʻzbekiston Respublikasi norezidentlari boʻlgan yuridik shaxslar boʻnak toʻlovlari toʻgʻrisidagi maʻlumotnoma shakllarini taqdim etishlari talab etilmaydi.

 Yuridik shaxslar mol-mulk soligʻi boʻyicha boʻnak toʻlovlarining toʻlash muddatlari:

•  AOS toʻlovchi subyektlar uchun – yillik soliq summasining 1/4 qismi miqdorida har chorak 3-oyining 20-kunidan kechiktirmay;
• AOS toʻlovchi hisoblanmaydigan subyektlar uchun – yillik soliq summasining 1/12 qismi miqdorida har oyning 10-kunidan kechiktirmay.

Bunda yanvar oyi uchun 20-yanvardan kechiktirmay.

2025-yilda: yuridik shaxslar mol-mulk soligʻi boʻyicha

1.  Ko'chmas mulkning o'rtacha yillik qoldiq qiymatini soliq hisobotida aks ettirish tartibi  

2. Mustaqil baholash natijalarini taqdim etish 

3. Imtiyozlardan foydalanish boʻyicha qoʻllanma