Soliq davrida* tovarlarni (xizmatlarni) realizatsiya qilishdan olingan jami daromadi 1 mlrd so‘mdan oshmagan yuridik shaxslar va yakka tartibdagi tadbirkorlar aylanmadan olinadigan soliq (AOS) to‘lash rejimiga 2025-yil 1-yanvardan boshlab o‘tishga haqli.

Soliq kodeksi 462-modda 

Buning uchun, QQS to‘lovchilar tomonidan aylanmadan olinadigan soliqni toʻlashga oʻtilayotgan navbatdagi soliq davri boshlanishiga qadar oʻn kundan kechiktirmay, ya’ni 2024-yil 15-dekabrgaсha, quyidagi havola orqali elektron ariza yuboriladi - https://my3.soliq.uz/vat-payer-registration/vat-unregistration   

QQS toʻlovchilar tomonidan bir vaqtning oʻzida quyidagi shartlar bajarilganda, navbatdagi soliq davridan aylanmadan olinadigan soliq toʻlash rejimiga oʻtadi:

• QQS toʻlash tartibiga kamida 12 oy oldin oʻtgan boʻlsa;
• Soliq kodeksining 461-moddasi 2-qismida koʻrsatilgan QQS toʻlashning majburiy mezonlari mavjud boʻlmasa.

Taqdim etilgan ariza yuqoridagi tartib va muddatlarga mos bo‘lsa, soliq to‘lovchi 01.01.2025-yildan AOS to’lashga o‘tkaziladi, aks holda ariza rad etiladi. Har ikki holatda ham soliq to‘lovchining shaxsiy kabinetiga qaror yuboriladi.

*soliq davri – 01.01.2024 - 31.12.2024