Davlat nazorati
Qonun va me’yoriy-huquqiy asoslar
O’zbekiston Respublikasi Prezidentining 2024 yil 28 martdagi "O’zbekiston texnik jihatdan tartibga solish agentligining faoliyatini tashkil etish chora-tadbirlari to‘g‘risida"gi PQ-91-son qarori
"O‘zbekiston Respublikasi Vazirlar Mahkamasining 2024-yil 1-iyuldagi “ O‘zbekiston Respublikasi Vazirlar Mahkamasi huzuridagi O‘zbekiston texnik jihatdan tartibga solish agentligi va uning tizimidagi tashkilotlari faoliyatini samarali yo‘lga qo‘yish choralari to‘g‘risida”gi 370-son qarori
Nazorat qilinadigan masalalar
O’zbekiston Respublikasi Vazirlar Mahkamasining 2024 yil 1 iyuldagi 370-sonli “O‘zbekiston Respublikasi Vazirlar Mahkamasi huzuridagi O‘zbekiston texnik jihatdan tartibga solish agentligi va uning tizimidagi tashkilotlari faoliyatini samarali yo‘lga qo‘yish choralari to‘g‘risida”gi qaroriga binoan O’zbekiston Texnik jihatdan tartibga solish agentligining Texnik jihatdan tartibga solish sohasidagi nazorat inspektsiyasi tashkil etildi.
O‘zbekiston Respublikasi Vazirlar Mahkamasi huzuridagi O‘zbekiston texnik jihatdan tartibga solish agentligining Texnik jihatdan tartibga solish sohasida nazorat inspeksiyasining asosiy vazifalari quyidagilardan iborat:
-
texnik jihatdan tartibga solish, standartlashtirish, sertifikatlashtirish va metrologiya sohasida qonun hujjatlari buzilishi oldini olish va profilaktikasini amalga oshirish;
-
texnik jihatdan tartibga solish, standartlashtirish, sertifikatlashtirish va metrologiya masalalari bo‘yicha tadbirkorlik sub’ektlariga har tomonlama ko‘maklashish;
-
texnik reglamentlar, standartlashtirishga doir normativ hujjatlar talablariga, o‘lchashlarning yagona birlikda bo‘lishini va o‘lchashlarning to‘g‘riligini ta’minlash, majburiy sertifikatlashtirish qoidalariga rioya etish yuzasidan davlat nazoratini tashkil etish va amalga oshirish;
-
texnik jihatdan tartibga solish, standartlashtirish, sertifikatlashtirish va metrologiya sohasida huquqbuzarliklarni aniqlash yuzasidan komleks chora-tadbirlarni amalga oshirish va ularni keltirib chiqarishga asos bo‘luvchi sabab va sharoitlarni bartaraf etish choralarini ko‘rish
O‘zbekiston Respublikasi Vazirlar Mahkamasi huzuridagi O‘zbekiston texnik jihatdan tartibga solish agentligining "Texnik jihatdan tartibga solish sohasida nazorat inspeksiyasi to‘g‘risida Nizom" O‘zbekiston Respublikasi Vazirlar Mahkamasining 2024 yil 1 iyul dagi 370-sonli qarori bilan tasdiqlagan
