Moliyaviy jarimalarni bo‘lib to‘lash va soliq huquqbuzarliklarni ixtiyoriy bartaraf etish

Tadbirkorlarga sayyor soliq tekshiruvi natijalariga ko‘ra qo‘llanilgan moliyaviy jarimalarni teng ulushlarda 6 oy davomida to‘lash huquqi berildi. Ilgari bunday imkoniyat faqat soliq auditi natijalari bo‘yicha moliyaviy jarimalarga nisbatan berilar edi 

2025-yil 1-avgust holatiga ko‘ra «Soliq xavflarini aniqlash, tahlil qilish va baholash» tizimi orqali 16 trln so‘m miqdorida soliq xavflari mavjud bo‘lgan 20 mingdan ortiq subyekt soliq tekshiruvlariga nomzod sifatida shakllantirilgan. Ular yo‘l qo‘yilgan huquqbuzarlik alomatlarini ixtiyoriy ravishda bartaraf etish imkoniyati mavjud. Shundan so‘ng mazkur ro‘yxat 2025-yil 1-noyabr holatiga qayta shakllantiriladi.

2026-yil 1-yanvardan sayyor soliq tekshiruvlari o‘tkazishda mobil videokameradan foydalanish majburiy bo‘ladi. Videokamerasiz o‘tkazilgan tekshiruvlar noqonuniy hisoblanadi.

PF-138-son, 19.08.2025


Soliq solish metodologiyasi departamenti