Ko‘chmas mulk ijarasini qonuniy ro'yxatdan o'tkazish - tomonlarning huquq va majburiyatlari kafolati
2024-02-26 10:10:00 / Qo'mita yangiliklari
Soliq organlarida ro'yxatga olingan mol-mulk ijara shartnomalari va ular bo‘yicha soliqlarni to‘lash mulkdorga uy-joyni rasman ijaraga berish va daromad olish, ijaraga oluvchiga esa undan qonuniy foydalanish imkonini beradi.
Ko‘chmas mulk ijara shartnomalarini hisobga qo‘yish "E-ijara" xizmati orqali amalga oshiriladi.
Soliq qo'mitasi ma'lumotlar bazasidan olingan axborotlarga ko'ra, 2023-yilda:
yuridik shaxslar o‘rtasida 145 mingga yaqin ijara shartnomasi tuzilgan. Ijara to‘lovlarining umumiy miqdori 5,3 trln so‘mni tashkil etgan. Hisoblangan soliqlar esa 561,6 mlrd so‘m.
jismoniy shaxslar o‘rtasida 386,8 mingta ijara shartnomasi tuzilgan. Ijara to‘lovlarining umumiy miqdori 3,3 trln so‘mni tashkil etdi. Hisoblangan soliqlar 194,8 mlrd so‘m.
Soliq to‘lovchining uy-joylarni talabalarga ijaraga berishdan olgan daromadlari soliqdan ozod etilgan. Ularga daromad solig‘idan 44,4 mlrd so‘m imtiyoz qo‘llanilgan.