Qishloq xo‘jaligi korxonalari uchun soliq imtiyozlari
2025-04-14 18:05:00 / Qo'mita yangiliklari
Oʻzbekiston Respublikasi Prezidentining “Qishloq xo‘jaligi mahsulotlarining eksport salohiyatini oshirish hamda qayta ishlash zanjirini rivojlantirish bo‘yicha qo‘shimcha chora-tadbirlar to‘g‘risida”gi Qarori qabul qilindi.
Unga ko‘ra, 2028-yil 1-yanvarga qadar meva-sabzavot mahsulotlarini zamonaviy qadoqlarda realizatsiya qiladigan tadbirkorlik subyektlari uchun foyda solig‘i hamda ularning xodimlari uchun ijtimoiy soliq stavkalari 1% etib belgilanmoqda. Bunda quyidagi shartlarning barchasi bir vaqtda bajarilganda amal qiladi:
har oyda har bir xodimga ish haqi miqdori MHTEKM eng kam miqdorining 2 barobari hisoblanganda;
zamonaviy qadoqlangan meva-sabzavot mahsulotlarini soliq davrida realizatsiya qilishdan tushgan umumiy tushum jami tovarlarni (xizmatlarni) realizatsiya qilishdan olingan daromadning kamida 50%ini tashkil etganda.
Ushbu tartib Soliq kodeksiga tegishli oʻzgartirishlar kiritilgandan soʻng amaliyotga joriy etiladi.
Soliq kodeksining 2- va 75-moddasi
Umumiy yer maydoni kamida 5 gektar bo‘lgan qishloq xo‘jaligi korxonalari tomonidan jami yer maydonining 1%iga (lekin 20 sotixdan ko‘p bo‘lmagan) qurilishga ruxsat beriladi:
▫️muzlatgichli omborxonalar;
▫️saralash, quritish, qayta ishlash, qadoqlash, suv tejovchi texnologiyalar;
▫️suv saqlash obyektlari.
Agar mazkur obyektlardan foydalanmaslik yoki maqsadsiz foydalanish holatlari aniqlansa, yer solig‘i stavkasi belgilangan soliq stavkalarining 3 baravari miqdorida qo‘llaniladi.
