Foyda solig‘i bo‘yicha hisobot shakli to‘ldirildi
2025-04-02 12:05:00 / Qo'mita yangiliklari
Foyda solig‘i hisob-kitobiga 2 satr qo‘shildi:
061 - Joylashgan hududga nisbatan pasaytirilgan soliq stavkalari bo‘yicha soliq solinadigan foyda;
071 - Pasaytirilgan soliq stavkasi.
Ushbu satrlar joylashgan hududiga qarab foyda solig‘ining pasaytirilgan stavkasini qo‘llaydigan soliq to‘lovchilar uchun qulaylik yaratish maqsadida kiritilgan.
2023-yil 1-yanvardan 2026-yil 1-yanvarga qadar 5-toifadagi tumanlarda ro‘yxatdan o‘tgan va shu hududlarda faoliyat yuritadigan tadbirkorlik subyektlari foyda solig‘ini 1% stavkada to‘laydi.
7-ilovada quyidagi satrlar nomi Soliq kodeksi 337-moddasiga asosan o‘zgartirilldi:
016 – Umumiy quvvati 100 kVtgacha bo‘lgan qayta tiklanuvchi energiya manbalari qurilmalaridan foydalangan holda umumiy tarmoqqa elektr energiyasini realizatsiya qilishdan olingan daromad;
036 – Umumiy quvvati 100 kVtgacha bo‘lgan qayta tiklanuvchi energiya manbalari qurilmalaridan foydalangan holda umumiy tarmoqqa elektr energiyasini realizatsiya qilishdan olingan foyda.
Umumiy quvvati 100 kVt gacha bo‘lgan qayta tiklanuvchi energiya manbalari (QTEM) qurilmalaridan foydalangan holda umumiy tarmoqqa elektr energiyasini realizatsiya qilishdan olingan foyda 0% stavkada soliqqa tortiladi.
Soliq to‘lovchilar ushbu foyda solig‘i hisobot shaklini 2025-yil I chorakdan boshlab taqdim etishlari mumkin.
Paket kodi – 10205_45.
2025-yil 21-aprel – I chorak uchun foyda solig‘i bo‘yicha hisobot topshirishning oxirgi kuni