Tashkilot ijaraga beruvchi E-ijara xizmatida ro'yxatdan o'tkazgan ijara shartnomasini tasdiqlashi kerak. Tasdiqlash jarayonida ochiladigan ushbu oyna qanday to‘ldiriladi?
2023-09-13 10:30:00 / Qo'mita yangiliklari
Yuridik shaxs jismoniy shaxsdan turar joyni ijaraga olgan taqdirda ushbu oyna ochiladi.
Fuqarolarning doimiy yashashi uchun mo‘ljallangan joylar turar joy deb hisoblanadi.
Sanoat ehtiyojlari uchun turar joy binolarini ijaraga olish taqiqlanadi.
Turar-joy binolariga boshqa korxonalar, muassasalar va tashkilotlarni joylashtirishga faqat bunday binolar noturar joylar turkumiga o‘tkazilgandan keyin ruxsat etiladi.
O‘zbekiston Respublikasi Uy-joy kodeksi 9-modda
Yuridik shaxs sifatida biron faoliyatini amalga oshirish uchun turar joyni ijaraga olishdan avval uy egasi turar joyni noturar joyga o‘tkazishi, so‘ngra ijara shartnomasini rasmiylashtirishi kerak.
Yuridik shaxs o‘z xodimi yashashi uchun turar joyni ham ijaraga olishi mumkin. Bunday holda, “Xodimlar (JShShIR bo‘yicha qidirish)” qatorida ushbu turar joyda yashovchi xodim ko‘rsatiladi.