Soliq qo‘mitasi raisi o‘rinbosari A.Soliyev Yangihayot tumanida o‘rganish olib bordi
2026-08-06 19:30:00 / Qo'mita yangiliklari
#mahallabay
Dastlab, Yangihayot tumanida xavfsiz muhitni ta’minlash, jamoat tartibini mustahkamlash hamda aholi osoyishtaligini saqlash borasida amalga oshirilayotgan ishlar, xususan, tuman hokimligida tashkil etilayotgan vaziyatlar markazining qurilish jarayonlari bilan tanishildi.
Mazkur markazning imkoniyat va afzalliklari yuzasidan fikr almashildi.
Tumanning mas’ul rahbarlari hamrohligida aholi gavjum maskanlar va xizmat ko‘rsatish obyektlari, tungi vaziyat, profilaktik tadbirlarning borishi hamda hududlarda jamoat tartibini ta’minlash yuzasidan olib borilayotgan ishlar ham atroflicha o‘rganildi.
Shuningdek, "Olchazor" hamda "Navqiron" mahallalarida profilaktika inspektorlariga huquqbuzarliklarning barvaqt oldini olish, tungi nazorat tadbirlarini samarali tashkil etish, aholi bilan manzilli ishlash hamda aniqlangan kamchiliklarni bartaraf etish bo‘yicha tegishli topshiriq va ko‘rsatmalar berildi.