Ayrim ijtimoiy tarmoqlarda Soliq qoʻmitasining rasmiy axborot resurslarida tijorat banki reklamasi joylashtirilishi haqida tarqatilayotgan maʼlumotlar haqiqatga toʻgʻri kelmaydi.
2026-07-08 11:00:00 / Qo'mita yangiliklari
Avvalo, xabarda keltirilgan davlat xaridida “Soliq-servis” AJ ishtirok etmagan yoki mazkur xarid jarayoniga jalb qilinmagan. Shu bois, tender texnik topshiriqlarida keltirilgan maʼlumotlarni soliq organlarining faoliyati yoki rasmiy axborot resurslari bilan bogʻlash asossiz hisoblanadi.
Soliq qoʻmitasi rasmiy sayti davlat organining rasmiy veb-sayti sifatida gov.uz – yagona platformasida joylashtirilgan va unda tijorat reklamalarini joylashtirish mumkin emas.
VMQ-54, 31.01.2025-yil
Soliq qoʻmitasi taʼsischiligidagi “Soliq-servis” aksiyadorlik jamiyati xoʻjalik hisobidagi tijorat tashkiloti hisoblanadi hamda jamiyat Ustaviga muvofiq qonunchilikda taqiqlanmagan tijorat faoliyati turlarini amalga oshirishi mumkin. Shu bois, jamiyatning veb sahifalari davlat resursi hisoblanmaydi.
Bundan tashqari, “Soliq-servis” AJ (new.soliqservis.uz) Vazirlar Mahkamasining 25.06.2019-yildagi 522-son qaror talablariga muvofiq tashkil etilgan 27 ta elektron hujjat aylanishi tizimi operatorlaridan biri boʻlib, erkin raqobat sharoitida faoliyat yuritadi.
Shu munosabat bilan, ommaviy axborot vositalari va ijtimoiy tarmoq foydalanuvchilaridan tekshirilmagan hamda asossiz maʼlumotlarni tarqatmaslikni, xabarlarni eʼlon qilishdan oldin rasmiy manbalar orqali aniqlashtirishni soʻrab qolamiz.