Ma’muriy yuklamani kamaytirish bo‘yicha qo‘shimcha chora-tadbirlar joriy etilmoqda
2026-05-20 09:55:00 / Qo'mita yangiliklari
“Soliq organlari faoliyatini institutsional jihatdan takomillashtirish va soliq ma’muriyatchiligida zamonaviy yondashuvlarni joriy etish chora-tadbirlari to‘g‘risida”gi Prezident Farmoni qabul qilindi.
PF-95-son, 19.05.2026-yil.
Unga muvofiq, 2026-yil 1-iyuldan boshlab:
- tekshiruvdan oldingi tahlil doirasida aniqlangan tafovutlar yuzasidan aniqlashtirilgan soliq hisobotini yoki asoslovchi hujjatlarni taqdim etish talab qilinmaydi;
- soliq xavfi o‘rta darajada bo‘lgan soliq to‘lovchilarga aniqlangan xavflar to‘g‘risida xabarnoma yuboriladi. Bunda, aniqlangan kamchiliklar 1 oy muddatda bartaraf etilsa, soliq tekshiruvi o‘tkazilmaydi;
- yangi tashkil etilgan tadbirkorlik subyektlariga ularning tanloviga ko‘ra faoliyatining dastlabki 6 oyi davomida soliq va moliyaviy hisobotlarni yuborish xizmatlari “Soliq-servis” AJ tomonidan bepul ko‘rsatiladi.
Tuman fermerlar kengashlari huzuridagi fermer xo‘jaliklarida buxgalteriya hisobi va hisobotini yuritish markazlari amaldagi moliyalashtirish tartibi va moddiy-texnika bazasini saqlab qolgan holda "Soliq servis" AJ tasarrufiga o‘tkaziladi.