Tadbir Prezidentimizning 246-sonli Farmoni mazmun-mohiyatini keng jamoatchilikka tushuntirish, naqd pulsiz hisob-kitoblarni ommalashtirish hamda yashirin iqtisodiyot ulushini kamaytirish maqsadida oʻtkazildi. 

Seminar videokonferensiya aloqa shaklida ham oʻtkazilib, bu Jizzax viloyati tumanlaridagi tadbirkorlarga masofadan turib ishtirok etish va oʻzlarini qiziqtirgan savollarga mutaxassislardan javob olish imkonini yaratdi.

Seminar davomida mutaxassislar yangi tartiblar biznes yuritish hamda iqtisodiy rivojlanish uchun qanday imkoniyatlar yaratishini batafsil tushuntirdilar.

Tadbirkorlar ushbu yangiliklarning dolzarbligini taʼkidlab, ilgari surilayotgan tashabbuslarni qoʻllab-quvvatlashlarini bildirdilar. Naqd pulsiz hisob-kitoblarga oʻtish orqali faoliyat shaffofligi oshishi va biznesni yuritish ancha soddalashishi alohida qayd etdilar.