Jizzaxda naqdsiz iqtisodiyotni kengaytirish va yashirin iqtisodiyotga barham berish masalalari yuzasidan ochiq muloqot oʻtkazildi
2025-12-23 17:05:00 / Qo'mita yangiliklari
Jizzax viloyati soliq boshqarmasida Soliq qoʻmitasi mutaxassislari ishtirokida tadbirkorlar uchun amaliy seminar tashkil etildi. Unda viloyatning turli hududlaridan 350 nafarga yaqin tadbirkorlar qatnashdi.
Seminarda Jizzax viloyati soliq boshqarmasi boshligʻi Bobir Ismoilov Prezident farmonining asosiy yoʻnalishlari naqdsiz hisob-kitoblarni ommalashtirish, yashirin iqtisodiyot ulushini qisqartirish va biznesda shaffoflikni taʼminlash masalalariga alohida toʻxtaldi.
PF-246-son 10.12.2025-y.
Soliq qoʻmitasi Jamoatchilik bilan aloqalar boshqarmasi boshligʻi – Raisning matbuot kotibi Toʻra Toʻrayev ushbu farmon mazmun-mohiyatini keng jamoatchilikka sodda va xalqchil tarzda yetkazish yuzasidan barcha hududlarda tadbirkorlar bilan bevosita ochiq muloqot formatida seminarlar tashkil etilayotganligini taʼkidladi.
Tadbirning eng muhim jihati, tadbirkorlar oʻz faoliyatiga doir savollariga mutaxassislardan aniq va batafsil javoblar oldi.
Bunday ochiq muloqotlar orqali shaffof iqtisodiyot, adolatli raqobat va barqaror biznes muhiti shakllanadi.
Soliq qoʻmitasi Matbuot xizmati