Soliq qo‘mitasi raisining Yangi yil sovg‘alari farg‘onalik bolajonlarga ko‘tarinki kayfiyat bag‘ishladi
2025-12-24 09:25:00 / Qo'mita yangiliklari
Soliq qo‘mitasi raisining Yangi yil sovg‘alari farg‘onalik bolajonlarga ko‘tarinki kayfiyat bag‘ishladi
Xabaringiz bor, joriy yil 20-noyabr kuni Soliq qo‘mitasi tomonidan “Raisga Yangi yil maktubi” deb nomlangan ezgu aksiyaga start berildi.
Mazkur loyiha doirasida Farg‘ona viloyati soliq xizmati organlarida mehnat qilayotgan xodimlarning 14 nafar farzandlari ishtirok etdilar.
Bolajonlar yil davomida o‘zining qo‘lga kiritgan yutuq va muvaffaqiyatlari, ota-onasining kasbini qanday tushunishi va tasavvur qilishi haqida yozgan hikoyalari, chizgan rasmlari, kichik qo‘l mehnati buyumlari bilan o‘z iste’dodlarini namoyon etdilar.
Shu munosabat bilan, har bir maktub egalariga Soliq qo‘mitasi raisining javob xati hamda Yangi yil sovg‘alari yetkazildi.
Kichkintoylar tabrik va sovg‘alardan bag‘oyatda mamnun bo‘lib tashakkurlar aytdilar hamda kelajakda Vatan ravnaqi uchun xizmat qiladigan insonlar bo‘lib ulg‘ayishga va'da berdilar.