Ijara.soliq.uz sayti bo‘yicha
2025-12-22 11:45:00 / Qo'mita yangiliklari
Ayrim ijtimoiy tarmoqlarda tadbirkorlar bir haftadan beri Ijara.soliq.uz sayti (ijara shartnomalarini hisobga qoʻyish xizmati) ishlamayotganligidan shikoyat qilishmoqda mazmunida xabarlar tarqaldi.
Ushbu holat yuzasidan Soliq qoʻmitasi Matbuot xizmati quyidagilarni maʼlum qiladi:
2025-yil 18-dekabr kuni soat 18:35 da tizimda texnik nosozlik yuzaga kelgan. Biroq, ikkilamchi ijaraga berish shartnomalarini roʻyxatdan oʻtkazish jarayoni odatiy tartibda ishlab turgan.
Mutaxassislar ishtirokida muammo aniqlanib, qoʻshimcha vaqt talab qilinganligi sababli zarur tuzatish ishlari 22-dekabrga qadar olib borildi. Bugun soat 09:00 dan boshlab tizim toʻliq ish rejimida faoliyat yuritmoqda.
Bugunning oʻzida tizim orqali 700 tadan ortiq ijara shartnomalari onlayn roʻyxatdan oʻtkazildi.
Maʼlumot uchun: soliq tizimidagi barcha elektron xizmatlar bilan bogʻliq texnik nosozliklar va ularni bartaraf etilishi qoʻmita mutaxassislari tomonidan doimiy nazoratga olingan.
Keltirilgan noqulayliklar uchun uzr soʻraymiz.