"KARMANA WORLD AGROTECH" MCHJ yer maydonlarida chigit ekish ishlari boshlab yuborildi
2026-03-26 15:50:00 / Yangiliklar
Bugun Navoiy viloyati hokimi Normat Tursunov Karmana tumanida 2026-yil hosili uchun chigit ekish ishlarini tashkil qilish bo‘yicha tumanda olib borilayotgan ishlar bilan tanishib, “Shinjon” texnologiyasi asosida paxta yetishtirish samaradorligini oshirish hamda ilg‘or tajribalarni ommalashtirish maqsadida amaliy seminarda ishtirok etdi.
Ayni paytda "KARMANA WORLD AGROTECH" MCHJ yer maydonlarida chigit ekish ishlari boshlab yuborildi.
Ma’lumot uchun, Karmana tumanida 2026-yil hosili uchun 5949 gektar maydonda xorijiy nav chigit qo‘shqator usulda ekish rejalashtirilgan.
Chigit ekish mavsumini qisqa muddatlarda sifatli yakunlash maqsadida 25 dona zamonaviy pnevmatik qo‘shqator chigit ekish seyalkalari keltirildi, 8 dona “Shinjon” usulida chigit ekish seyalkalari mavjud bo‘lib, jami joriy yilda 33 dona chigit ekish seyalkalari tomonidan chigit ekilishi ta’minlanadi.
“Shinjon” usulida ekish rejalashtirilgan 2005 gektar maydon uchun jami 180,5 tonna plyonka va 26,4 ming.km shlang zaxirasi to‘liq yaratildi.