Navbahorda zamonaviy issiqxona loyihasi
2026-01-07 16:30:00 / Yangiliklar
Navbahor tumani hokimi Alisher Rashidov “Paxtakor” mahallasi hududida joylashgan Turkiya davlatining “ASYA SERA GARDEN” MCHJ xorijiy korxonasi rahbariyati bilan loyihani yanada rivojlantirish masalalari bo‘yicha muzokaralar o‘tkazdi.
Uchrashuv davomida 4,5 gektar yer maydonida gidroponika usulida tashkil etilgan issiqxonani kengaytirish, yetishtirilayotgan mahsulotlar hajmini oshirish hamda ularni tashqi bozorlarga eksport qilish istiqbollari muhokama qilindi. Shuningdek, loyiha doirasida yangi ish o‘rinlari yaratish, mahalliy aholi bandligini ta’minlash va zamonaviy agrotexnologiyalarni joriy etish masalalariga alohida e’tibor qaratildi.
Tomonlar investitsiya loyihasini qo‘llab-quvvatlash, zarur infratuzilma va tashkiliy masalalarni hal etish bo‘yicha o‘zaro hamkorlikni yanada mustahkamlashga kelishib oldilar. Ushbu loyiha tuman qishloq xo‘jaligini rivojlantirish, eksport salohiyatini oshirish va iqtisodiy o‘sishni ta’minlashga xizmat qilishi ta’kidlandi.