Navoiy davlat universiteti va Janubiy Koreyaning nufuzli Sejong universiteti (Sejong University) o‘rtasida xalqaro hamkorlik yo’lga qo’yildi
2025-12-25 11:40:00 / Yangiliklar
Ushbu hamkorlik ikki universitet o‘rtasida:
talabalar va o‘qituvchilar almashinuvi,
qo‘shma ilmiy-tadqiqot loyihalari,
qo‘shma dasturlar va treninglar,
kelajakda qo‘shimcha grantlar va grant asosidagi ta’lim imkoniyatlarini yo‘lga qo‘yishni maqsad qilgan.
Sejong universiteti — Janubiy Koreyaning Seul shahrida joylashgan nufuzli oliy ta’lim muassasasi bo‘lib, u milliy va xalqaro reytinglarda yuqori o‘rinlarni egallaydi.
“Times Higher Education” 2025-yil reytingida Koreya universitetlari orasida 7-o‘rinda, dunyo reytingi bo‘yicha 201–250 oraliqda joylashgan.
Sejongda 14–15 ming talaba tahsil oladi, shundan 2 000+ xorijlik talabalar mavjud. Sejong universiteti xalqaro talabalar uchun ingliz tilida ham turli bakalavr va magistratura dasturlarini taklif etadi.
Kelgusida NDU talabalarining ham Sejong universitetida ta’lim olish, amaliyot o‘tash, ilmiy loyihalarda qatnashish imkoniyati kengayadi!