Norinco Group kompaniyasi vakillari bilan uchrashuv bo‘lib o‘tdi
2025-10-14 11:50:00 / Yangiliklar
2025-yil 13-oktabr kuni Togʻ-kon sanoati va geologiya vaziri B. Islamov, vazirlik mutasaddilari, “O‘zbekiston texnologik metallar kombinati” AJ rahbariyati Norinco Group kompaniyasining prezidenti Ch.Defang boshchiligidagi delegatsiya vakillari bilan uchrashuv oʻtkazdi.
Uchrashuvda Oʻzbekistonda yangi investitsiya loyihalarini amalga oshirish istiqbollari, sohada jozibador investitsiyaviy shart-sharoitlar yaratilayotganini taʼkidlab oʻtildi.
Xususan, noyob metallarga iqtisoslashgan “Oʻzbekiston texnologik metallar kombinati” AJ faoliyati hamda yangi istiqbolli investitsiya loyihalari doirasida hamkorlik uchun keng imkoniyatlar mavjudligi aytib oʻtildi.
Norinco Group rahbari ham O‘zbekistondagi so‘nggi yillarda tog‘-kon sanoati va geologiya sohasidagi islohotlarni ijobiy baholab, hamkorlikda loyihalarni amalga oshirishga tayyorligini bildirdi.