O‘zbekiston Respublikasi Tog‘-kon sanoati va geologiya vazirligi

Tadbirda Tog‘-kon sanoati va geologiya vazirligi Yer qa’ridan foydalanish va davlat xizmatlari boshqarmasi boshlig‘i R.Rustamjonov, “Yer qa’ridan foydalanish markazi” DM direktor o‘rinbosari A.Qurbonov, markazning boshqa mas’ul xodimlari, Toshkent viloyat hokimligi, Ekologiya, atrof-muhitni muhofaza qilish va iqlim o‘zgarishi vazirligi mutasaddilari ishtirok etishdi.

Muloqot davomida “Geomonitoring” axborot tizimidan foydalanish tartibi, axborot tizimining afzalliklari hamda yer qa’ridan foydalanish sohasida qabul qilingan qonunchilik hujjatlari, 5GR hisobot topshirishning soddalashtirilgani, shuningdek, tadbirkorlik subyektlari faoliyati bilan bog‘liq boshqa masalalar muhokama qilindi.

Vazirliklar, hokimliklar, Markaz mutasaddilari hamda tadbirkorlar ishtirokidagi bu kabi muloqotlar, seminar va tadbirlar respublika miqyosida o‘tkazilmoqda.