Tog‘-kon sanoati va geologiya vaziri rahbarligida yig‘ilish o‘tkazildi
2025-09-05 17:50:00 / Yangiliklar
2025-yil 5-sentabr kuni Tog‘-kon sanoati va geologiya vaziri B.Islamov rahbarligida markaziy apparat departament, boshqarma, bo‘limlar boshliqlari, timizosti korxona hamda tashkilotlar rahbarlari ishtirokida videoselektor yig‘ilishi bo‘lib o‘tdi.
Vazir sohada amalga oshirilayotgan islohotlar, investitsiya loyihalari, ilmiy izlanishlar, transforamtsiya va raqamlashtirish jarayonlarining jadal olib borilayotganini qayd etdi.
Yig‘ilishda Feruza Rustamovna Xamidovaning Tog‘-kon sanoati va geologiya vazirining birinchi o‘rinbosari lavozimiga tayinlangani e’lon qilindi. Shuningdek, Omonulla Zabixullayevich Nasritdinxodjayev boshqa ishga o‘tishi munosabati bilan ushbu lavozimdan ozod etilgani qayd etildi.