“O‘zbekko‘mir” AJ rahbariyati ishtirokida matbuot anjumani o‘tkazildi
2024-03-19 18:50:00 / Matbuot anjumanlari
2024-yil 19-mart kuni AOKAda “Oʻzbekkoʻmir” AJ rahbariyati ishtirokida 2023-yildagi faoliyat yakunlari va 2024-yildagi ustuvor vazifalar mavzusida matbuot anjumani bo‘lib o‘tdi.
Tadbirda “O‘zbekko‘mir” AJ bosh direktori o‘rinbosari E.Yakubov, jamiyat bosh geologi E.Jo‘raev, “Ko‘mir ta’minot” MChJ direktori o‘rinbosari F.Xursanov ishtirok etishdi.
Spikerlar 2023-yilning yanvar-dekabr oylarida kon ustini ochish ishlari 23,1 mln. kub metr yoki prognozga nisbatan 89,4 foizga bajarilgani, o‘tgan yilning mos davriga nisbatan o‘sish sur’ati 133,0 foizni tashkil qilgani, ko‘mir qazib chiqarish 5 836,0 ming tonna yoki prognozga nisbatan 100,6 foiz (5 800,0 ming tonna) bajarilib, o‘tgan yilning mos davriga nisbatan o‘sish sur’ati 115,0 foizni tashkil etganini ma’lum qilishdi.
Shuningdek, matbuot anjumanida mas’ullar tomonidan 2024-yildagi dolzarb vazifalar, rejalashtirilgan loyihalar haqida ma’lumot berildi.