China National Gold Group Kompaniyasi bilan anglashuv memorandumi imzolandi
2025-08-06 12:15:00 / Yangiliklar
Bosh vazir o‘rinbosari J.Xodjayev boshchiligidagi delegatsiya vakillari Xitoy Xalq Respublikasida China National Gold Group kompaniyasi vakillari bilan uchrashuv o‘tkazdi.
Uchrashuv davomida Tog‘-kon sanoati va geologiya vaziri o‘rinbosari U.Yusupov CNGG rahbariyati bilan anglashuv memorandumini imzoladilar.
Unga ko‘ra Tog‘-kon sanoati va geologiya vazirligi hamda China National Gold Group kompaniyasi qimmatbaho va kritik minerallar yo‘nalishida istiqbolli maydonlarda geologiya qidiruv ishlarini amalga oshirish, konlarni o‘zlashtirish, qo‘shilgan qiymatli mahsulotlar ishlab chiqarish, texnologiyalar transferi, kadrlar tayyorlash, istiqbolli loyihalarni moliyalashtirish yo‘nalishlarida hamkorlik qiladi.