Geologik tadqiqotlarda GAT va masofaviy zondlashdan foydalanishga bag‘ishlangan xalqaro seminar o‘tkazildi
2025-07-18 19:30:00 / Yangiliklar
2025-yil 9-15-iyul kunlari Geologiya fanlari universitetida Koreya geofanlar va minerallar instituti (KIGAM), shuningdek, Chungnam va Kangwon milliy universitetlarining taniqli professorlari ishtirokida “Yerni masofadan zondlash va geografik axborot texnologiyalari (GAT) ” mavzusida xalqaro seminar-trening oʻtkazildi.
Seminar-trening davomida ishtirokchilar masofadan zondlash, sun’iy yo‘ldosh tasvirlarini tahlil qilish, raqamli relyef modellarini yaratish, yer yuzasining monitoringi va tabiiy xavflarni baholashda GAT imkoniyatlaridan foydalanish bo‘yicha nazariy bilimlar va amaliy ko‘nikmalarga ega bo‘lishdi.
Tadbir yakunida barcha ishtirokchilarga sertifikatlar topshirildi. Mazkur seminar-trening KOICA (Koreya xalqaro hamkorlik agentligi) tomonidan moliyalashtirilayotgan “O‘zbekistonda foydali qazilmalar va geologik xavflar uchun integratsiyalashgan boshqaruv tizimini yaratish” mavzusidagi grant loyihasi doirasida tashkil etilgan bo‘lib, u ikki mamlakat o‘rtasidagi ilmiy-texnik hamkorlikni yanada mustahkamlashga xizmat qilmoqda.