O‘zbekiston kon boyliklari va geologiya sohasi: Fikrlar va raqamlar
2025-07-02 19:30:00 / Yangiliklar
Tog‘-kon sanoati va geologiya vaziri Bobir Islamovning “Vatan” jurnalining 2025-yil 2-sonida chop etilgan maqolasida O‘zbekistonning yer osti boyliklari mamlakat taraqqiyoti uchun keng yo‘l ochayotgani ta’kidlanadi. Vazir so‘nggi yillarda amalga oshirilgan islohotlar natijasida 1650 dan ortiq yangi konlar ochilgani, oltin, mis, uran kabi strategik resurslar qazib olish hajmi keskin oshgani haqida so‘z yuritadi.
Maqolada geologiya sohasini tubdan rivojlantirish maqsadida “Yer qa’ri to‘g‘risida”gi yangi qonun qabul qilingani, xorijiy investitsiyalar hajmi 3,6 milliard dollarga yetgani, Fransiya, Yaponiya, Xitoy kabi davlatlarning yirik kompaniyalari O‘zbekistonda faoliyat boshlagani qayd etiladi. Shu bilan birga, noyob metallarni qayta ishlash va “yashil iqtisodiyot” bo‘yicha zamonaviy loyihalar boshlangan.
Shuningdek, vazir yosh mutaxassislarni tayyorlash, raqamli texnologiyalarni joriy etish, sun’iy intellekt va ilm-fan yutuqlarini amaliyotga tatbiq qilish zarurligini alohida ta’kidlaydi.