Moʻgʻulistonning “Steppe Kuper” kompaniyasi vakillari bilan o‘tkazilgan uchrashuv haqida
2025-06-18 16:45:00 / Yangiliklar
2025-yil 18-iyun kuni Togʻ-kon sanoati va geologiya vaziri oʻrinbosari U. Yusupov Moʻgʻulistonning “Steppe Kuper” kompaniyasi vitse-prezidenti Badarch Enxbat hamda kompaniya rahbari maslahatchisi Ochir Ochirjav bilan uchrashuv oʻtkazdi.
Uchrashuv davomida tomonlar o‘zaro hamkorlikni yo‘lga qo‘yish, shuningdek, Kon-geologiya vazirligiga qarashli korxonalar bilan qo‘shma loyihalarni amalga oshirish masalalarini muhokama qildilar.
Shuningdek, metallurgiya sanoati, qayta tiklanuvchi energetika yo‘nalishlari hamda “Uzbek Overseas Geology Company” MChJning Moʻgʻulistondagi vakolatxonasi faoliyati boʻyicha hamkorlik istiqbollari yuzasidan fikr almashildi.