DZKga taqdim etilayotgan foydali qazilmalar konlari va uchastkalaridagi ishlar o‘rganildi
2025-05-20 16:16:00 / Yangiliklar
“O‘zbek geologiya qidiruv” AJ Hisor markaziy geologiya qidiruv ekspeditsiyasi Surxondaryo dala ekspeditsiyasi O‘rikli uchastkasida yer osti tog‘ o‘tish ishlari natijasida 1, 2, 3, 4, 5 va 6-sonli ko‘mir qatlamlari aniqlangan.
Xondiza ma’danli maydoni Severniy uchastkasida polimetall ma’dan tanalarini baholash ishlari va Vodniy say uchastkasida batafsil izlash hamda baholash ishlari olib borilmoqda. Severniy uchastkasida dala ishlari tugatilib yakuniy geologik hisobot materiallari tayyorlanmoqda. Hisobot materiallari 2025-yilda DZKga ko‘rib chiqish uchun taqdim etiladi.
Shu bilan birga, Chig‘atoy selistin, Loyliq dolomit, Shurobsoy gips, Badava bazalt uchastkalarida noruda foydali qazilmalarga baholash dala ishlari amalga oshirilmoqda. Hisobotlar materiallari 2025-yilda DZKga ko‘rib chiqish uchun taqdim etiladi.