Tadbirkorlar bilan ochiq muloqot o‘tkazildi
2025-05-16 16:15:00 / Yangiliklar
O‘zbekiston Respublikasi Bosh prokurori o‘rinbosari S.I. Samadov hamda Tog‘-kon sanoati va geologiya vaziri B.F. Islamov rahbarligida masʼul idora vakillari ishtirokida respublikadagi qurilish materiallari ishlab chiqaruvchi tadbirkorlar bilan uchrashuv o‘tkazildi.
Yig‘ilish davomida qurilish materiallari jumladan, sement ishlab chiqaruvchilarning faoliyati davomida mavjud muammo va kamchiliklari, ularning yechimi hamda mahsulot ishlab chiqarish jarayonlarida zarur bo‘lgan ko‘mir yoqilg‘isiga bo‘lgan ehtiyoji muhokama etildi.
Shuningdek, yig‘ilishda ishtirok etgan tadbirkorlarga Surxondaryo viloyati misolida bugungi kunda viloyatdagi ko‘mir konlarining o‘zlashtirilishi keng yo‘lga qo‘yilganligi hamda ushbu konlardan sifatli mahalliy ko‘mir yoqilg‘isi isteʼmolchilarga yetkazib berish imkoniyatlari mavjudligi bildirildi.