Yer osti suvlaridan quyosh panellari va suv chuchuklantiruvchi uskunalar orqali samarali foydalanish bo‘yicha “Andijon tajribasi” o‘rganildi
2025-05-07 16:15:00 / Yangiliklar
Tog‘-kon sanoati va geologiya vazirligi, “O‘zbekgidrogeologiya” DM va “GIDROINGEO Instituti” DM mutaxassislari tomonidan Andijon viloyatining Buloqboshi va Bo‘ston tumanlarida tashkil etilgan aholining ichimlik suv ta’minoti va tomorqa yerlarini sug‘orish uchun yer osti suvlaridan quyosh panellari, suv chuchuklantiruvchi uskunalar orqali samarali foydalanish tajribasi o‘rganildi.
Loyiha Jahon banki tomonidan 2021 – 2024-yillarda moliyalashtirilgan bo‘lib, loyiha doirasida bitta maydondagi 50 ta xonadonning ichimlik suv ta’minoti va 85 ta xonadonning tomorqa yerlarini sug‘orish sharoiti yaxshilangan.
Bunda barcha elektr energiya manbalari sifatida quyosh panellarini o‘rnatgan holda ichimlik suvi ta’minotida chuchuklantiruvchi uskunalar orqali va tomorqa yerlarni sug‘orishda yer osti suvlaridan tog‘ridan-tog‘ri foydalanish orqali ishlatish tizimi yo‘lga qo‘yilgan.
Oʻrganishlarda mazkur amaliyotni respublikaning boshqa hududlarida ham qoʻllash hamda bunday loyihalarni Suv xoʻjaligi vazirligi va Oʻzbekiston mahallalari uyushmasi bilan hamkorlikda amalga oshirish masalalari muhokama qilindi.