Kon-geologiya vazirligida Saudiya Arabistoni Energetika vazirligi vakili bilan uchrashuv tashkil qilindi
2025-04-23 17:50:00 / Yangiliklar
Joriy yilning 23-aprel kuni Tog‘-kon sanoati va geologiya vazirligida Saudiya Arabistoni Energetika vazirligi departamenti direktori bilan uchrashuv o‘tkazildi.
Uchrashuvda vazirning birinchi o‘rinbosari O.Nasritdinxodjayev, vazir o‘rinbosari U.Yusupov, “Tog‘-kon sanoatida mahalliylashtirish va sanoat kooperatsiyasini rivojlantirish ilmiy-amaliy markazi” DM direktori M.Ilhamov, Saudiya Arabistoni Energetika vazirligi departamenti direktori Nasser Albakron ishtirok etishdi.
Tadbirda O‘zbekistonda tog‘-kon sanoati va geologiya sohasidagi islohotlar, ikki tomonlama hamkorlik aloqalari, investitsiya loyihalarida “Mahalliy kontent” ulushini oshirish va mahalliylashtirish yo‘nalishlarida o‘zaro tajriba almashinuvi kabi masalalar muhokama qilindi.