Yer osti suvlaridan oqilona foydalanish va ularni muhofaza qilish bo‘yicha Ispaniya tajribasi o‘rganildi
2025-04-15 15:15:00 / Yangiliklar
O‘zbekiston Respublikasi Tog‘-kon sanoati va geologiya vazirligi, “O‘zbekgidrogeologiya” DM, “GIDROINGEO Instituti” DM, Soliq qo‘mitasi va “O‘zsuvtaʼminot” AJ vakillaridan iborat delegatsiya Yer osti suvlaridan oqilona foydalanish va ularni muhofaza qilish bo‘yicha Ispaniyada xizmat safarida bo‘lib, xorij tajribasini o‘rganishdi.
Xizmat safarida yer osti suvlaridan foydalanishda suv hisoblash vositalarining zamonaviy texnologiyalari, yer osti va yer usti suv resurslarini nazorat qilishning innovatsion usullari hamda Ispaniyaning “Hidroconta” kompaniyasi tomonidan joriy qilingan axborot tizimlari bilan tanishildi.
Shuningdek, O‘zbekistonda yer osti suvlaridan oqilona foydalanish va ularni muhofaza qilish bo‘yicha Ispaniya tajribasini qo‘llash yuzasidan muzokaralar o‘tkazildi.